الله لا صديق حكيم وينصح ونحكيلو بما جرالي من لحزان
يخمملي لو كان في ضري يفلح ويقلي كيفاه تتفاجى لمحان
نوريلو ذا الجرج يلقاه مقيح وجرحي قاير دخلاني مابان
طال الوقت عليه بسطارو ينبح ولي بيه السم ما يرجى بريان
والسم ذا طالت أيامو يكسح ويرشي مولاه يبقى في لقبان
نا راني ملدوق ودموعي ترشح وهذي لفعة سمها بين النيبان
إحليل الي راه يبكي ومجرح صايرلو مصارلي في شاو إزمان
هذا المرض إلي يصيبو ما يتنح مايرقدش الليل كل ليلة سهران
يتفكر لرصام ويعود ينوح ويلولب شور الوكر يهدف قيوان
يا لايم من لومتك كلي يطفح وسلم تسلم كون عاقل يا شومان
0 التعليقات:
إرسال تعليق