مدح الجزائر

الجزائر راني اليوم إنقول عليك     إنجيب عليك أبيات كيما يهوالي
زينك فايق يعجب إلي ينضر ليك  وعلامك رفراف  للبعد يلالي
إنت وردة مول الجنان يدلل فيك        محضية ومنورة بالكمالي
نخلة داخل صور والعساس عليك      ولا شجرة عامها زين موالي
تفاحة كل الشجر ما يلحق ليك             فزتي علاى الغراس زينك يحلالي
يا زينة يا زايخة واش نسميك    نجمة صبح تجي مع الفجر تلالي
لويزة عشرة داخلة فسط شبابيك          ولا البدر إلى طلع عقب ليالي
يرحم الشهداء إلى ضحاو عليك          إعليهم وعليك جبت هذي لقوالي

تصنيف : مقتطفات